മട്ടന്നൂർ : പ്രമുഖ സുന്നി പണ്ഡിതനും പ്രഭാഷകനും ഉളിയിൽ അൽ ഹിദായ ഇസ്ലാമിക് യൂണിവേഴ്സിറ്റിയുടെ സ്ഥാപകനും ആയിരുന്ന ഉസ്താദ് സലീം ഫൈസി ഇർഫാനിയുടെ മൂന്നാം വർഷ അനുസ്മരണ സമ്മേളനം നാളെ ഉളിയിൽ അൽ ഹിദായ ഇസ്ലാമിക് യൂണിവേഴ്സിറ്റി ക്യാമ്പസിൽ വച്ച് നടക്കും. രാവിലെ 9 മുതൽ രാത്രി വരെ നീളുന്ന വിവിധ പരിപാടികൾ നടക്കും. രാവിലെ 9ന് അസ്‌ലം തങ്ങൾ അൽ മശൂർ പതാക ഉയർത്തുന്ന തോടുകൂടി ആരംഭിക്കുന്ന അനുസ്മരണ പരിപാടിയിൽ സയ്യിദ് അബ്ബാസലി ശിഹാബ് തങ്ങൾ പാണക്കാട് ഉദ്ഘാടനം ചെയ്യും സമസ്ത സെക്രട്ടറി ഉസ്താദ് എം ടി അബ്ദുല്ല മുസ്ലിയാർ അധ്യക്ഷനാവും.
സമസ്ത പ്രസിഡണ്ട് സയ്യിദ് ജിഫ്രി മുത്തുകോയ തങ്ങൾ ഗ്രാൻഡ് മൗലിദ് സദസ്സിൽ പങ്കെടുക്കും. എം ടി അബൂബക്കർ ദാരിമി അബു താഹിർ ഫൈസി സൈനുദ്ദീൻ ഫൈസി ഇർഫാനി എന്നിവർ അനുസ്മരണ സെഷനില്‍ പങ്കെടുക്കും. വൈകുന്നേരം നാലുമണിക്ക് ഖതമുൽ ഖുർആൻ സദസ്സിന് അബ്ദുൽ മജീദ് ബാഖവി ഉസ്താദ് നേതൃത്വം നൽകും. ജലാലിയ റാത്തീബിന് ചെറുമോത്ത് ഉസ്താദ് നേതൃത്വം നൽകും. സമാപന സമ്മേളനം കൊയ്യോട് ഉമർ മുസ്ലിയാർ ഉദ്ഘാടനം ചെയ്യും
