മട്ടന്നൂർ: അനധികൃത മദ്യവിൽപ്പന നടത്തിയതിന് യുവാവ് പിടിയിൽ. ചാവശ്ശേരി സ്വദേശി ടൈറ്റ് ഷാജി എന്ന പി.ഷജിത്തിനെ (48) യാണ് മട്ടന്നൂർ റെയിഞ്ച് എക്സൈസ് സംഘം അറസ്റ്റു ചെയ്തത്. ലോകസഭാ ഇലക്‌ഷൻ സ്പെഷൽ ഡ്രൈവിൻ്റെ ഭാഗമായി
അസി.എക്സൈസ് ഇൻസ്പെക്ടർ (ഗ്രേഡ്) കെ. ഉത്തമനും സംഘവും ചാവശ്ശേരിയിൽ നടത്തിയ പരിശോധനയിലാണ് ഇയാളെ അറസ്റ്റ് ചെയ്തത്.ഇയാളിൽ നിന്ന് വിൽപ്പനയ്ക്കായി സൂക്ഷിച്ച രണ്ട് കുപ്പി മദ്യവും പിടികൂടി. എക്സൈസ് സംഘത്തിൽ പ്രിവൻ്റീവ് ഓഫീസർ (ഗ്രേഡ്) കെ.കെ. സാജൻ,സതീഷ് വിളങ്ങോട്ട് ഞാലിൽ, സിവിൽ എക്സൈസ് ഓഫീസർമാരായ ബെൻഹർ കോട്ടത്തു വളപ്പിൽ, കെ.കെ.രാഗിൽ, മഞ്ജു വർഗീസ് എന്നിവരും ഉണ്ടായിരുന്നു. പ്രതിയെ കോടതി റിമാൻ്റ് ചെയ്തു
