തിരുവനന്തപുരം : ഹൃദയാഘാതം വേഗത്തിൽ തിരിച്ചറിയാൻ സഹായിക്കുന്ന ട്രോപ് ടി (ട്രോപോണിൻ ടി) പരിശോധന, ബിപിഎൽ വിഭാഗത്തിന് സൗജന്യമാക്കുമെന്ന് ആരോഗ്യമന്ത്രി കെ. മുരളീധരൻ പ്രഖ്യാപിച്ചു. ഒക്ടോബർ ഒന്നിന് പ്രാഥമിക ആരോഗ്യ കേന്ദ്രങ്ങളിലും ജില്ലാ, ജനറൽ ആശുപത്രികളിലും പദ്ധതി ആരംഭിക്കുമെന്ന് പറഞ്ഞു.
എല്ലാവർക്കും ഫലപ്രദമായ ഹൃദയാഘാത ചികിത്സ ഉറപ്പാക്കുകയാണ് ആരോഗ്യവകുപ്പിന്റെ ലക്ഷ്യം. ഹൃദയപേശി ക്ഷതങ്ങൾ കൃത്യമായി കണ്ടെത്തുന്നതിനുള്ള നിർണായകമായ രക്ത പരിശോധനയാണ് ട്രോപ് ടി. തുടർ ചികിത്സയ്ക്കായി കൃത്യസമയത്തുള്ള റഫറലിനും ഇതു സഹായിക്കും. ഇസിജി കണ്ടെത്തലുകൾ വ്യക്തമല്ലാത്ത സാഹചര്യങ്ങളിലും ഈ പരിശോധനയ്ക്ക് പ്രത്യേക പ്രാധാന്യമുണ്ട്.
ഹൃദയപേശിക്ക് ക്ഷതം ഉണ്ടാകുമ്പോൾ രക്തത്തിലെ ട്രോപ് ടി അളവ് ഉയരും. അതിനാൽ ഹൃദയാഘാത സാധ്യത വിലയിരുത്താൻ ഇസിജിക്കൊപ്പം ട്രോപ് ടി പരിശോധനയും പ്രധാനമാണ്.
