കണ്ണൂർ: നെറ്റ് പരീക്ഷ റദ്ദ് ചെയ്തതിൽ പ്രതിഷേധിച്ച് എസ് എഫ്.ഐ ജില്ലാ കമ്മറ്റി കണ്ണൂർ ഹെഡ് പോസ്റ്റ് ഓഫീസിലേക്ക് നടത്തിയ മാർച്ചിൽ സംഘർഷം. തിങ്കളാഴ്ച്ച വൈകീട്ട് നടന്ന മാർച്ചിൽ സംഘർഷം. തിങ്കളാഴ്ച്ച വൈകീട്ട് നടന്ന മാർച്ചിലാണ് സംഘർഷാവസ്ഥയും ജലപീരങ്കി പ്രയോഗവും നടന്നത്. മാർച്ച് പോസ്റ്റ് ഓഫീസിന് മുന്നിൽ പൊലീസ് തടഞ്ഞു. ബാരിക്കേഡ് മ റി കടക്കുന്ന സാഹചര്യം വന്നതോടെ ഉന്തും തള്ളുമായി.
സംഘർഷാവസ്ഥയായതോടെ യാണ് പ്രവർത്തകർക്കുനേരെ പൊലീസ് ജലപീരങ്കി പ്രയോഗിച്ചത്. വിദ്യാർത്ഥികളടക്കം റോഡിലേക്ക് തെറിച്ചുവീണു. പ്രവർത്തകർ ബാരിക്കേഡ് മറികടന്ന് മതിൽ കെട്ടിനകത്തുകയറി പ്രതിഷേധിക്കുകയായിരുന്നു. സംസ്ഥാന സെക്രട്ടറിയറ്റംഗം ടി.പി. അഖില മാർച്ച് ഉദ്ഘാടനം ചെയ്തു. ജില്ലാ പ്രസിഡന്റ് ടി.പി. ആദർശ് അധ്യക്ഷനായി. ജില്ലാ സെക്രട്ടറി ജോയൽ തോമസ്, സ്വാതി പ്രദീപൻ, കെ.കെ. ഗിരീഷ്, കെ.പി. അലീഷ, സി.വി. ഹരികൃഷ്ണൻ എന്നിവർ സംസാരിച്ചു.
