സംസ്ഥാനത്തെ റേഷന്‍ കാര്‍ഡ് മസ്റ്ററിംഗ് ഇന്ന് പൂര്‍ത്തിയാകും. 14 ജില്ലകളിലും മൂന്ന് ഘട്ടമായാണ് ആരംഭിച്ചിരുന്നത്. റേഷന്‍ കാര്‍ഡില്‍ പേരുള്ള മുഴുവന്‍ ആളുകളും മസ്റ്ററിംഗ് പൂര്‍ത്തിയാക്കാന്‍ കേന്ദ്ര നിര്‍ദേശമുണ്ട്. മസ്റ്ററിങ്ങ് പൂര്‍ത്തിയാക്കിയില്ലെങ്കില്‍ അരി നല്‍കില്ലെന്ന് കേന്ദ്ര് അറിയിച്ചിട്ടണ്ട്.
കേന്ദ്രം ഒക്ടോബര്‍ 31 വരെ സമയം നല്‍കിയിട്ടുണ്ടെങ്കിലും പരമാവധി വേഗം തീര്‍ക്കാനുള്ള ശ്രമത്തിലാണ് ഭക്ഷ്യവകുപ്പ്. മസ്റ്ററിംഗ് ചെയ്യാന്‍ കഴിയാതെ പോയവര്‍ക്ക് വേണ്ടി ബദല്‍ സംവിധാനവും വരുംദിവസങ്ങളില്‍ ഒരുക്കും. എല്ലാ ജില്ലകളിലും 90% ആളുകളും മസ്റ്ററിംഗ് പൂര്‍ത്തിയാക്കിയെന്ന് ഭക്ഷ്യവകുപ്പ് അറിയിച്ചു.
