വയനാട്
വയനാട് പുനരധിവാസം; ഭൂമി ഏറ്റെടുക്കുന്നതിന് സര്ക്കാരിന് തടസമില്ല, 17 കോടി രൂപ അധികം കെട്ടിവെക്കണം; ഹൈക്കോടതി
വയനാട്: വയനാട് പുനരധിവാസ പദ്ധതിക്കായി ഭൂമി ഏറ്റെടുക്കുന്നതിന് സര്ക്കാര് നിശ്ചയിച്ച നഷ്ടപരിഹാരം കുറഞ്ഞുപോയെന്നാരോപിച്ച് എല്സ്റ്റണ് എസ്റ്റേറ്റ് നല്കിയ ഹര്ജിയില് ഇടക്കാല ഉത്തരവ് പുറപ്പെടുവിച്ച് ഹൈക്കോടതി. സര്ക്കാരിന് ഭൂമി ഏറ്റെടുക്കുന്നതിന് തടസമില്ലെന്ന് പറഞ്ഞ ഹൈക്കോടതി 17 കോടി രൂപ കൂടി കെട്ടിവെക്കാന് സര്ക്കാരിന് നിര്ദേശം നല്കി. നേരത്തെ നിശ്ചയിച്ച 26 കോടി രൂപയ്ക്ക് പുറമേയാണ് 17 കോടി രൂപ കൂടി നല്കേണ്ടത്. എല്സ്റ്റണ് എസ്റ്റേറ്റും ഹാരിസണ്സ് കമ്പനിയും നല്കിയ ഹര്ജി ഫയലില് സ്വീകരിച്ചു. സുപ്രീം കോടതിയെ സമീപിക്കുമെന്നും ഹൈക്കോടതി വിധിയെ ചോദ്യം ചെയ്ത് ഹര്ജി നല്കുമെന്നും എല്സ്റ്റണ് എസ്റ്റേറ്റ് അറിയിച്ചു.
