സംസ്ഥാനത്തെ പെട്രോൾ പമ്പുകൾ ഇന്ന് രാവിലെ ആറുമുതൽ പകൽ 12 വരെ അടച്ചിടും. ഓൾ കേരള ഫെഡ റേഷൻ ഓഫ് പെട്രോളിയം ഡീലേഴ്സിന്റെ നേതൃത്വത്തിലാണ് പമ്പുകൾ അടച്ചിട്ട് പ്രതിഷേധിക്കുന്നത്. കോഴിക്കോട് എലത്തൂർ എച്ച്പിസി ഡിപ്പോയിൽ ചർച്ചയ്ക്കെത്തിയ പെട്രോളിയം ഡീലേഴ്സ് ഭാരവാഹികളെ ടാങ്കർ ഡ്രൈവർമാർ കൈയേറ്റം ചെയ്തെന്നാരോപിച്ചാണ് സമരം. കോഴിക്കോട്ടെ പമ്പുകൾ ശനിയാഴ്ച വൈകിട്ട് നാലു മുതൽ ആറുവരെ അടച്ചിട്ടു. പെട്രോൾ പമ്പിൽ ഇന്ധനമെ ത്തിക്കുന്ന ടാങ്കർ ഡ്രൈവർമാ ർക്ക് ചായ പൈസ എന്ന പേരിൽ 300 രൂപ ഡീലർമാർ നൽകാറുണ്ട്. ഈ തുക കൂട്ടണമെന്നാവശ്യപ്പെട്ടതാണ് തർക്കത്തിലേക്ക് നീണ്ടത്.
