india
മൻമോഹൻ സിങ്ങിന് വിട നൽകാൻ രാജ്യം: ആദരാഞ്ജലി നേർന്ന് രാഷ്ട്രപതിയും പ്രധാനമന്ത്രിയും; സംസ്കാരം നാളെ രാവിലെ 11ന്
അന്തരിച്ച മുന് പ്രധാനമന്ത്രി മന്മോഹന് സിങ്ങിന് ആദരമര്പ്പിച്ച് രാജ്യം. രാഷ്ട്രപതി ദ്രൗപദി മുര്മ്മു, പ്രധാനമന്ത്രി നരേന്ദ്ര മോദി തുടങ്ങിയവര് മന്മോഹന് സിങ്ങിന്റെ വസതിയിലെത്തി ആദരമര്പ്പിച്ചു. സോണിയ ഗാന്ധിയും രാഹുല് ഗാന്ധിയും മൻമോഹൻ ആദരാഞ്ജലികള് നേര്ന്നു.
പൂര്ണ ദേശീയ ബഹുമതികളോടെ നാളെ രാവിലെ 11നായിരിക്കും സംസ്കാരം നടക്കുക. മൻമോഹൻ സിങിന്റെ മൃതദേഹം നാളെ രാവിലെ എട്ടിന് എഐസിസി ആസ്ഥാനത്ത് എത്തിക്കും. തുടര്ന്ന് ഇവിടെ പൊതുദര്ശനം നടക്കും. ഇതിനുശേഷം 9.30ഓടെ സംസ്കാര സ്ഥലത്തേക്ക് വിലാപ യാത്രയായി കൊണ്ടുപോകും. തുടര്ന്നായിരിക്കും സംസ്കാര ചടങ്ങുകള് നടക്കുക.
