india
തഹാവൂർ റാണ അറസ്റ്റിൽ; ദില്ലി വിമാനത്താവളത്തിൽ വെച്ച് അറസ്റ്റ് രേഖപ്പെടുത്തി എൻഐഎ; ചിത്രം പുറത്തുവിട്ടു
മുംബൈ: മുബൈ ഭീകരാക്രമണ കേസ് സൂത്രധാരൻ തഹാവൂർ റാണയെ അറസ്റ്റ് ചെയ്ത് എൻഐഎ. ദില്ലി വിമാനത്താവളത്തിൽ വെച്ചാണ് എൻഐഎ റാണയുടെ അറസ്റ്റ് രേഖപ്പെടുത്തിയത്. റാണയുടെ ചിത്രം എൻഐഎ പുറത്തുവിട്ടു. ദില്ലി പാലം വ്യോമസേന വിമാനത്താവളത്തിലാണ് തഹാവൂര് റാണയുമായുള്ള വിമാനം ലാന്ഡ് ചെയ്തത്. എന്എസ്ജ കമാന്ഡോകളും മറ്റ് ഏജന്സികളും റാണയെ ഇന്ത്യയിലെത്തിക്കുന്നതില് സഹകരിച്ചെന്ന് എന്ഐഎ വ്യക്തമാക്കി. ഓണ്ലൈനായിട്ടാണ് റാണയെ കോടതിയില് ഹാജരാക്കുക. എന്ഐഎ അഭിഭാഷകര് പാട്യാല ഹൌസ് കോടതിയില് എത്തിച്ചേര്ന്നിട്ടുണ്ട്. എന്ഐഎ ഓഫീസിന് മുന്നിലെ സുരക്ഷ ക്രമീകരണങ്ങള് ദില്ലി പൊലീസ് വിലയിരുത്തി. ദില്ലി ലീഗല് സര്വീസ് സൊസൈറ്റിയിലെ അഭിഭാഷകന് പിയൂഷ് സച്ച്ദേവ ആയിരിക്കും റാണക്കായി ഹാജരാകുക.
