കുട്ടികളിലെ മാനസിക സമ്മര്ദ്ദം ലഘൂകരിക്കാന് ‘ചിരി’ പദ്ധതിയുമായി കേരള പൊലീസ്. സോഷ്യല്മീഡിയയില് പങ്കുവെച്ച പോസ്റ്റിലാണ് ‘ചിരി’പദ്ധതിയെ കുറിച്ച് പങ്കുവെച്ചിരിക്കുന്നത്. ചിരിയുടെ 9497900200 എന്ന ഹെല്പ് ലൈന് നമ്പരിലേക്ക് കുട്ടികള്ക്ക് മാത്രമല്ല അധ്യാപകരും മാതാപിതാക്കളും കുട്ടികളുടെ പ്രശ്നങ്ങളുമായി വിളിക്കാമെന്നും കേരള പൊലീസ് പങ്കുവെച്ച പോസ്റ്റില് പറയുന്നു.
ശിശുദിനത്തോടനുബന്ധിച്ച് ആണ് കേരളാപൊലീസിന്റെ ഈ പോസ്റ്റ്. കഴിഞ്ഞ ദിവസം സൂപ്പര് ലീഗ് കേരള മത്സരത്തിനു ശേഷം പൃഥ്വിരാജിന്റേയും ബേസിലിന്റെയും വൈറലായ ഒരു വിഡിയോയുടെ ഫോട്ടോ ഉപയോഗിച്ചാണ് കേരള പൊലീസ് ഇക്കാര്യം വ്യക്തമാക്കിയിരിക്കുന്നത്. സ്റ്റേഡിയത്തില് സൂപ്പര് ലീഗ് കേരളയുടെ ഉദ്ഘാടന പതിപ്പിന്റെ ഫൈനല് വേദിയില് നടന്ന സംഭവമാണ് ബേസിലിനെ സോഷ്യല്മീഡിയയില് ട്രോളുകള്ക്കിടയായ്ക്കിയിരുന്നു. ഈ സംഭവത്തെയാണ് ഇതിനായി കേരളാ പൊലീസ് ഉപയോഗിച്ചിരിക്കുന്നത്.
