പാലക്കാട്: ആ നാല് കൂട്ടുകാരില്ലാതെ, അവരുടെ കളിചിരികളില്ലാതെ കരിമ്പ ഹയർ സെക്കൻഡറി സ്കൂൾ വീണ്ടും തുറന്നു. മണ്ണാർക്കാട് പനയംപാടത്ത് സിമന്റ് കയറ്റിവന്ന ലോറി മറിഞ്ഞുണ്ടായ അപകടത്തിൽ നാല് വിദ്യാർഥികളുടെ വേർപാടിന് ശേഷം ഇന്നാണ് സ്കൂൾ വീണ്ടും തുറക്കുന്നത്. പരീക്ഷ കഴിഞ്ഞ് കൈപിടിച്ച് നടന്ന് വീട്ടിലേക്ക് മടങ്ങിയ അഞ്ചുപേർ. അപകടത്തിൽ ഒരു വിദ്യാർഥി മാത്രമാണ് രക്ഷപെട്ടത്.
