മലപ്പുറം പെരിന്തല്മണ്ണ താഴെക്കോട് പി ടി എം ഹയര് സെക്കന്ഡറി സ്കൂളില് വിദ്യാര്ത്ഥി സംഘര്ഷം. മൂന്ന് വിദ്യാര്ത്ഥികള്ക്ക് കുത്തേറ്റു. പത്താം ക്ലാസ് വിദ്യാര്ത്ഥികള്ക്കിടയിലാണ് സംഘര്ഷം ഉണ്ടായത്. സ്കൂളിലെ ഇംഗ്ലീഷ് മീഡിയം വിദ്യാര്ഥികളും മലയാളം മീഡിയം വിദ്യാര്ഥികളും തമ്മിലാണ് ഏറ്റുമുട്ടിയത്.
പരുക്കേറ്റവരെ മഞ്ചേരി മെഡിക്കല് കോളജിലും പെരിന്തല്മണ്ണയിലെ സ്വകാര്യ ആശുപത്രിയിലും പ്രവേശിപ്പിച്ചു. സ്കൂളിലെ ഇംഗ്ലീഷ് മലയാളം മീഡിയം വിദ്യാര്ത്ഥികള്ക്കിടയില് നേരത്തെ പ്രശ്നങ്ങള് ഉണ്ടായിരുന്നു. ഇതില് നടപടി നേരിട്ട വിദ്യാര്ത്ഥി ഇന്ന് പരീക്ഷയെഴുതാന് സ്കൂളില് എത്തിയപ്പോഴാണ് സംഘര്ഷം ഉണ്ടായത്.
