താമരശ്ശേരിയില് വിദ്യാര്ത്ഥി സംഘര്ഷത്തിനിടെ പത്താം ക്ലാസുകാരന് മരിച്ച സംഭവത്തില് പൊലീസ് അന്വേഷത്തിന് പുറമെ വിദ്യാഭ്യാസ വകുപ്പും അന്വേക്ഷിക്കും.വിശദമായ വകുപ്പുതല അന്വേഷണം നടത്താന് പൊതുവിദ്യാഭ്യാസ ഡയറക്ടറെ ചുമതലപ്പെടുത്തി .സംഭവം ഏറെ ദുഃഖകരമെന്ന് വിദ്യാഭ്യാസ മന്ത്രി വി ശിവന്കുട്ടി വാര്ത്താക്കുറിപ്പില് പറഞ്ഞു. കുടുംബത്തിന്റെ ദുഃഖത്തില് പങ്കുചേരുന്നു. ഇക്കാര്യത്തില് പൊലീസ് ശക്തമായ അന്വേഷണം നടത്തുന്നുണ്ട്. കോഴിക്കോട് വിദ്യാഭ്യാസ ഉപ ഡയറക്ടര് ഇക്കാര്യം അന്വേഷിക്കുകയും പ്രാഥമിക റിപ്പോര്ട്ട് സമര്പ്പിക്കുകയും ചെയ്തിട്ടുണ്ടെന്ന് മന്ത്രി അറിയിച്ചു.
