Keralam

അഞ്ചുനാൾ നീണ്ട ശാസ്ത്രവിസ്മയങ്ങൾക്ക് തിരശ്ശീല; കണ്ണൂരിന് ഓവറോൾ കിരീടം, അടുത്ത വർഷം മുതൽ വാണിജ്യ ശാസ്ത്രമേളയുമെന്ന് വിദ്യാഭ്യാസ മന്ത്രി

മണ്ണാർക്കാട്: അഞ്ചുനാൾ നീണ്ട പരീക്ഷണങ്ങളുടെയും കണ്ടുപിടിത്തങ്ങളുടെയും കാഴ്ചകൾക്ക് മണ്ണാർക്കാട്ട് തിരശ്ശീല വീണു. സംസ്ഥാന സ്കൂൾ ശാസ്ത്രോത്സവത്തിൽ 1585 പോയിന്റുമായി കണ്ണൂർ ഓവറോൾ ചാമ്പ്യന്മാരായി. 1563 പോയിന്റുമായി മലപ്പുറം രണ്ടാം സ്ഥാനം നേടിയപ്പോൾ ആതിഥേയരായ പാലക്കാടിനാണ് മൂന്നാം സ്ഥാനം. തൃശൂർ നാലാം സ്ഥാനത്തെത്തി. റോബോട്ടിക്സും ആർട്ടിഫിഷ്യൽ ഇന്റലിജൻസും ഉൾപ്പെടെ വിദ്യാർഥികളുടെ സർഗാത്മകതയും ശാസ്ത്രാഭിരുചിയും മാറ്റുരച്ച വേദിയായിരുന്നു ഇത്തവണത്തെ ശാസ്ത്രോത്സവം.

പുസ്തകങ്ങളിൽനിന്ന് പഠിച്ച അറിവുകൾ പരീക്ഷണങ്ങളിലേക്കും പുതിയ കണ്ടുപിടിത്തങ്ങളിലേക്കും വളർന്ന അഞ്ചുദിവസങ്ങളാണ് മണ്ണാർക്കാട്ട് കടന്നുപോയത്. ഭിന്നശേഷി വിദ്യാർഥികളുടെ കരവിരുതും ശാസ്ത്രമേളയിൽ ഏറെ ശ്രദ്ധേയമായി. അടുത്ത വർഷം മുതൽ വാണിജ്യ ശാസ്ത്രമേള; മാന്വൽ പരിഷ്കരിക്കും സ്കൂൾ മേളകളുടെ മാന്വൽ കാലോചിതമായി പരിഷ്കരിക്കുമെന്ന് വിദ്യാഭ്യാസ മന്ത്രി വ്യക്തമാക്കി. കൂടാതെ, അടുത്ത വർഷം മുതൽ കൊമേഴ്സ് വിദ്യാർഥികൾക്കായി വാണിജ്യ ശാസ്ത്രമേള കൂടി നടത്തുമെന്നും വിദ്യാഭ്യാസ മന്ത്രി പ്രഖ്യാപിച്ചു.

Related Articles

Leave a Reply

Your email address will not be published. Required fields are marked *

Back to top button