District News

കണ്ണൂരില്‍ വൈദ്യുതി മന്ത്രി സണ്ണി ജോസഫ് പങ്കെടുത്ത പരിപാടിക്കിടെ വൈദ്യുതി മുടങ്ങി, കെഎസ്‌ഇബി സബ് എൻജിനീയര്‍ക്ക് സസ്പെൻഷൻ

കണ്ണൂരില്‍ വൈദ്യുത മന്ത്രിയുടെ പരിപാടിക്കിടെ വൈദ്യുതി മുടങ്ങിയ സംഭവത്തില്‍ കണ്ണൂർ സെക്ഷൻ സബ് എഞ്ചിനീയർ സതീഷ് ബാബു പി വി യെ സസ്പെൻഡ് ചെയ്തു.


കേരള സഹകരണ റിസ്ക് ഫണ്ട് ധനസഹായ വിതരണ പരിപാടിയിലായിരുന്നു സംഭവം. മന്ത്രി സണ്ണി ജോസഫ് വേദിയില്‍ എത്തിയതിന് പിന്നാലെയാണ് വൈദ്യുതി മുടങ്ങിയത്.ലൈൻ ഓഫാക്കിയത് അറ്റകുറ്റപ്പണിക്കായിരുന്നുവെന്നാണ് വിവരം. മന്ത്രിയുടെ പരിപാടി നടക്കുന്ന കാര്യം അറിയില്ലായിരുന്നെന്ന സൂചനയും പുറത്തുവന്നു. സംഭവത്തെ തുടർന്ന് പരിപാടിയില്‍ മൈക്കില്ലാതെയാണ് സ്വാഗത പ്രസംഗം നടത്തിയത്.



പിന്നീട് ജനറേറ്റർ എത്തിച്ച്‌ പരിപാടി തുടർന്നു. വൈദ്യുതി മുടങ്ങിയതോടെ പരിപാടിയില്‍ ഏറെ നേരം പ്രതിസന്ധി നിലനിന്നു. കണ്ണൂരില്‍ പകല്‍ സമയത്ത് വിവിധ ഇടങ്ങളില്‍ കറന്റ് പോകുന്നത് പതിവാണെന്നും റിപ്പോർട്ടില്‍ പറയുന്നു. നടപടിയില്‍ ജീവനക്കാർക്കിടയില്‍ അതൃപ്തിയുണ്ടായതായും സൂചനയുണ്ട്. ഇതിനു മുമ്പ് കൊച്ചിയില്‍ കെഎസ്‌ഇബി ഓഫീസേഴ്‌സ് ഫെഡറേഷന്റെ സംസ്ഥാന സമ്മേളനത്തില്‍ മന്ത്രി സംസാരിക്കവെ സമാന സംഭവം നടന്നിരുന്നു. വൈദ്യുതി തടസം കാരണം പ്രസംഗം പാതിവഴിയില്‍ നിർത്തേണ്ടിവന്നെങ്കിലും സണ്ണി ജോസഫ് അത് രസകരമായാണ് നേരിട്ടത്. ‘എന്റെ പ്രസംഗം എപ്പോള്‍ അവസാനിപ്പിക്കണമെന്ന് ഇവിടുത്തെ കെഎസ്‌ഇബി ഉദ്യോഗസ്ഥർക്ക് അറിയാം’ എന്ന് അദ്ദേഹം ഇരുട്ടില്‍ നിന്നുകൊണ്ട് പറഞ്ഞിരുന്നു.

Related Articles

Leave a Reply

Your email address will not be published. Required fields are marked *

Back to top button